2017(e)ko abuztuaren 20(a), igandea
2017(e)ko abuztuaren 18(a), ostirala
Irailaren 9an Amara Zaharreko KANTUJIRA
Irailaren 9an, larunbata, Amara zaharrean kantujira abiatuko da Arroka plazatik.
Bertako kantuzaleak Donostiako beste auzoetako kantuzaleak gonbidatu dituzte, eta beraiekin kantuan nahi gaituzte.
Ea Amara Zaharra berpizteko elkarrekin biltzen garen!, animo eta irailaren 9an, Amara Zaharreko Arroka plazan ikusi nahi zaituztegu!
Irailaren 2an, Donostiako euskal jaietan KANTUJIRA
Hitzordua: Irailaren 2an, larunbata, eguerdiko 12:00etan, San Martin merkatutik abiatuta Bulebarera joango gara.
Abuztuaren 26an, RTVEko grabazio baterako KANTUJIRA
RTVE-2 kateko "Atencion obras" Cayetana Guillen Cuervok egiten duen programarako, 4-6 minutuko kantujira grabatzeko saioa egin behar dugu.
Egun berean Donostiako Orfeoiak, Kursaale egingo duen Verdiren "Requiem"a grabatzera datoz.
Kantujiraren esperientziaz interesa azaldu dute, eta horren berri emateko grabazio hau egin nahi dute. 6 minutuko grabazioa egin nahi dute Plaza Berriko eskaileratan.
Hauxe duzue HITZORDUA: Abuztuaren 26an, 12:00etan ELKARetik hasi, kantujira bat egin eta beraiek grabatuko dute nahi dutena. Guk geureari eutsiz, betiko martxan. Animatu zaitezte datorren abuztuaren 26an.
2017(e)ko uztailaren 27(a), osteguna
Gasteizko jaiak: Abuztuaren 6an kantujira
Abuztuaren 6an, Gasteizko jaietan egingo den kantujira Arka plazatik abiatuko da 12:00etan. Bertan "ibiltari" eskultura dago. Amaiera berriz Aiztogile kalearen inguruan emango diogu. 15:00ak inguruan Landatxo kiroldegian izango dugu herri bazkaria. Eta bazkal-ondoren etengabeko kantu-dantza giroan murgilduta jarraituko dugu.
Bazkaltzera joan nahi dutenek 24 € ordaindu beharko dute, Euskadiko Kutxaren diru-ordainketa eginez. Hemen duzue zenbakia: 3035 0080 95 0801087673.
Ordainketa egiteko azken eguna: abuztuak 2. Beti bezala, jende kopurua eta zein herritiko zoazten informazioan jarri. Ez ahaztu ordainagiria eramaten.
Besterik gabe, ondo pasa Gasteizko jaietan.
Harpidetu honetara:
Mezuak (Atom)